Наверх

У Менску ўрачыста адкрылі памятны знак у гонар братоў Луцкевічаў.

Опубликовано: 325 дней назад (14 марта 2018)
Рубрика: Без рубрики
Просмотров: 610
0
Голосов: 2
У менскім парку імя Янкі Купалы 13 сакавіка адбылося ўрачыстае адкрыцьцё памятнага знаку ў гонар ідэолягаў беларускай дзяржаўнасьці Антона і Івана Луцкевічаў. Помнік адкрывала стрыечная пляменьніца Луцкевічаў, Маргарыта Сяргееўна Пярова.




«Я вельмі ўдзячная тым, хто ажыцьцявіў маю мару. Маёй шматгадовай марай была хоць нейкая адзнака прысутнасьці братоў Луцкевічаў у гэтым месцы», — адзначыла яна.


Маргарыта Пярова

Першапачаткова памятны знак плянавалі паставіць трошку лявей, на другаснай алеі, але туды ня змог пад’ехаць кран. І знак паставілі менавіта пад таполяй, якая расла каля дома Луцкевічаў.



Аўтары памятнага знаку — заслужаны архітэктар Рэспублікі Беларусь, прафэсар міжнароднай акадэміі архітэктуры Юры Градаў і скульптар сябра Беларускага саюза мастакоў Канстанцін Селіханаў.



У ранейшым інтэрвію Свабодзе Маргарыта Пярова расказала, што ўстаноўка памятнага знаку рабілася агульнымі намаганьнямі нашчадкаў Луцкевічаў, музэю імя Янкі Купалы, ЗБС «Бацькаўшчына», Міністэрства замежных спраў і дэпутатаў Палаты прадстаўнікоў Беларусі. Фінансаваў праект і ўстаноўку Менскі гарадзкі выканаўчы камітэт.


Дырэктар Купалаўскага музэю Алена Ляшковіч

Да Другой усясьветнай вайны на месцы парку Янкі Купалы была жылая забудова. Браты Луцкевічы пераехалі ў Менск зь Лібавы ў 1896 годзе і жылі на тагачаснай Садовай вуліцы. Тут, каля цяперашняга Купалаўскага музэю, стаялі дамы іхнай сям’і.



Антон і Іван Луцкевічы ўваходзілі ў першую Раду Беларускай Народнай Рэспублікі. Антон Луцкевіч быў адным з ініцыятараў Трэцяй Устаўной граматы БНР ад 25 сакавіка 1918 году, паводле якой дзяржава абвясьціла сваю незалежнасьць.
Адкрыцьцё памятнага знаку пачатак сьвяткаваньняў 100-годзьдзя абвяшчэньня незалежнасьці Беларускай Народнай Рэспублікі. Падчас цырымоніі адкрыцьця старшыня партыі БНФ Рыгор Кастусёў запрасіў усіх прысутных на канцэрт ля Опэрнага тэатру 25 сакавіка.


Рыгор Кастусёў запрасіў прысутных на канцэрт ля Опэрнага тэатру 25 сакавіка
Беларус завершыў марафон па Ісландыі пад бел-чырвона-белым сцягам—100 год БНР | Канфэрэнцыя ў Акадэміі навук да 100-годзьдзя БНР
Комментарии (0)

Нет комментариев. Ваш будет первым!