Жалобны мітынг на магіле П.А. Лярскага

5-га чэрвеня 2017 года, на другі дзень Сёмухі, члены Магілёўскага аддзела геаграфічнага таварыства наведалі магілы Пятра Аляксеевіча Лярскага і яго спадарожніцы па жыцці, музы яго творчасці, географа Ларысы Яўгенаўны Астроўскай (яе бацька - Я.В. Астроўскі, заслужаны настаўнік №1 у БССР (1941), разам з Якубам Коласам вучыўся ў Нясвіжскай настаўніцкай семінарыі і Віленскім ўніверсітэце). Грамада правяла жалобны мітынг.
Да 100-годдзя П.А. Лярскага (02.01.2018) будзе ўстаноўлена на корпусе факультэта матэматыкі і прыродазнаўства (Магілёў, Першамайская, 44)мемарыяльная дошка.
Вядзецца збор ахвяраванняў на яе выраб і ўстаноўку. Пакуль што сабрана крыху больш за 10 адсоткаў сродкаў.