Гэты год можа быць гарачым и сухім! Ці не пашкодзіць нашай бульбе і агуркам?

Гэты -- 2014 г. -- чакаецца сухім і гарачым, прычынай таму -- з’ява Эль-Ніньё (ЭН). Вядома, што ЭН узнікае раз на 3—5 год.



Ла - Нінья -- халодная нармальная фаза, калі тэмпература паверхнявага слоя вады на ўсходзе экватарыяльнай зоны Ціхага акіяна на 4--5 оС ніжэйшая, чым яе сярэдняе значэнне (20 оС)


Эль-Ніньё -- цёплая фаза, пры якой ва ўсходняй частцы Ціхага акіяна тэмпература вады павышаецца на тую ж велічыню -- ад яе сярэдняга значэння 20 оС

Цяперашнія спадарожнікавыя назіранні EUMETSAT і NOAA за трапічным поясам Ціхага акіяна сведчаць аб высокай верагоднасці ўзнікнення ЭН ў гэта лета, паколькі ўжо паявіліся прыкметы пачатку развіцця гэтай з’явы. Галоўнай прыкметай з’яўляецца павышэнне тэмпературы паверхні вады ва ўсходняй частцы Ціхага акіяна ўздоўж экватара ў сувязі з аслабленнем паўднёва-ўсходняга пасата, які звычайна гоніць воды на захад. Такое аслабленне вымушае экватарыяльнае цячэнне развярнуцца ў супрацьлеглы бок – на ўсход.

Змяненні тэмпературы паверхнявага слоя ўсходняй часткі экватарыяльнага пояса Ціхага акіяна аказвае значны ўплыў на клімат Аўстраліі, Паўднёва-Ўсходняй Азіі, Індыі, Паўночнай і Паўднёвай Амерыкі, у тым ліку і БЕЛАРУСІ!
Напрыклад, ЭН 1997—1998 гг. нанесла вялікія эканамічныя страты чалавецтву Зямлі – 22 млрд даляраў, загінула больш за 2000 чалавек.

Аб ЭН можна прачытаць: Каўрыга П. А. Кліматалогія. Мінск, БДУ. 2008.